React Native ဆိုတာ ဘာလဲ။

React Native ဆိုတာကတော့ Facebook ကနေပြီး Develop ပြုလုပ်ထားတဲ့ Framework တစ်ခုဖြစ်ပါတယ်။ ဘယ်လို Framework လဲဆိုရင် JavaScript နဲ့ React.js ကို အသုံးပြုပြီး မတူညီတဲ့ mobile platform တွေ ဖြစ်တဲ့ iOS နဲ့ Android ‌mobile application တွေကို တူညီတဲ့ code base တစ်ခုထဲနဲ့ တည်ဆောက်နိုင်ဖို့ ဖြစ်ပါတယ်။

Mobile App တွေ တည်ဆောက်ဖို့ တခြားအရာတွေလဲ ရှိရဲ့သားနဲ့ ဘာလို့ React Native ကို လေ့လာသင့်လဲ။

ပထမဆုံးတစ်ချက်ကတော့ သူက Cross Platform Support ဖြစ်တဲ့ အတွက် တခြားအရာတွေလိုမျိုး iOS အတွက် တစ်ခါရေး Android အတွက် တစ်ခါရေး iOS အတွက် တစ်ခုသင် Android အတွက် တစ်ခု သင် ဒါမျိုးတွေ လုပ်စရာမလိုတော့ပါဘူး။ ‌ကုမ္ပဏီတွေ ဘက်ကနေလဲ android developer တစ်ယောက် iOS developer တစ်ယောက် ခေါ်စရာမလိုတော့ဘဲ Developer တစ်ယောက်ထဲ Code Base တစ်ခုထဲနဲ့ Platform နှစ်ခုစာ ရတာမို့ မြန်မာနိုင်ငံလို လစာအရမ်းကောင်း Passion အရမ်းကောင်းတဲ့ company တွေ အကြိုက်ပေါ့ :3

နောက်ထပ်တစ်ခုကတော့ cross platform support တဲ့ အတွက် developer တွေ အနေနဲ့လဲ နှစ်ခု သင်ရမဲ့ အစား တစ်ခုပဲ လေ့လာသင်ယူရတဲ့ အတွက် အချိန်ကုန် သက်သာတယ်။ နောက်ထပ်ကတော့ React Native ရဲ့ Syntax တွေက React JS နဲ့ တူတယ်။ web developer တော်တော်များများကလဲ React JS ကို ရထားပြီးသားမို့ Web Development ကနေ Mobile Development ကို ကူးချင်ရင်တော့ တခြား နည်းပညာအသစ်တွေကို လေ့လာတာထပ် react native က အများကြီး ပိုကောင်းတဲ့ ရွေးချယ်မှု တစ်ခုဖြစ်ပါမယ်။