Expo ဆိုတာက React Native နဲ့ Mobile Application တွေကို တည်ဆောက်တဲ့နေရာမှာ Deployment Process ကို ပိုမို လွယ်ကူစေဖို့နဲ့အပြင် iOS နဲ့ android platforms နှစ်ခုလုံးမှာ application တွေကို တည်ဆောက်ဖို့ အလွယ်တကူ setup ပြုလုပ်နိုင်အောင်‌ ကူညီပေးတဲ့ Open source Framework တစ်ခုဖြစ်ပါတယ်။

Expo ကို ဘာလို့သုံးလဲ။

Super easy to start

အဓိကသုံးရတဲ့ ရည်ရွယ်ချက်‌ကတော့ React Native နဲ့ mobile application ‌တွေကို တည်ဆောက်တဲ့အခါမှာ Expo မှာ ပါဝင်တဲ့ tools တွေက Development Time ပိုမိုမြန်ဆန်ပြီး မတူညီတဲ့ android & iOS platform နှစ်ခုလုံးမှာ Develop လွယ်ကူအောင် ပြုလုပ်ပေးလို့ဖြစ်ပါတယ်။ expo ကို အသုံးပြုရင် setup တွေကို ခေါင်းရှုပ်ခံပြီး ပြုလုပ်နေစရာမလိုပါဘူး။ iOS application တစ်ခုကို တည်ဆောက်ချင်တယ်ဆိုရင် minimal laptop တစ်လုံးနဲ့ iPhone ရှိရင် လုံလောက်ပါပြီ။ MacBook တွေ high-end laptop တွေ မလိုအပ်ပါဘူး။ android အတွက်ဆိုရင်လဲ အတူတူပါပဲ။ laptop နဲ့ android phone တစ်လုံးပဲ လိုအပ်တာပါ။ ဒါကြောင့် React Native ကို စပြီးလေ့လာမဲ့ သူတွေအတွက် Expo က တော်တော်ကို အထောက်အကူပြုတဲ့ Framework တစ်ခုဖြစ်နေတာပါ။

No need to write native code

နောက်ထပ်ကတော့ Expo မှာ ပါဝင်တဲ့ pre-built components တွေနဲ့ API တွေကိုအသုံးပြုပြီးတော့ native code တွေကို deep dive လုပ်စရာမလိုဘဲ development process ကို ပိုမိုလွယ်ကူအောင် ပြုလုပ်ပေးပါတယ်။

Live Reloading

Live Reloading လဲ support တာမို့ laptop မှာ code base အပြောင်းအလဲ လုပ်ပြီး save လိုက်တာနဲ့ development preview ကြည့်နေတဲ့ mobile phone မှာပါ real-time update ရရှိတာ ဖြစ်ပါတယ်။

ဒါကြောင့် iOS နဲ့ Android mobile application တစ်ခုတည်ဆောက််ဖို့အတွက် တခြား android emulator တွေ, MacBook တွေ High-end laptop ‌ကြီးတွေ မလိုအပ်ပဲ development workflow ကို အများကြီး လွယ်ကူစေမှာ ဖြစ်ပါတယ်။

Expo Go အကြောင်း

Expo ဆိုတာကတော့ mobile application တစ်ခုဖြစ်ပြီး develop ပြုလုပ်ချိန်မှာ ကျွန်တော်တို့ရဲ့ Project ကို သက်ဆိုင်ရာ mobile platform မှာ preview ကြည့်ရှုနိုင်မှာ ဖြစ်ပါတယ်။ flow ကလဲ အရမ်းကို ရိုးရှင်းပါတယ်။ iOS preview ကြည့်ချင်တယ်ဆိုရင် app store မှာ expo Go ကို install ပြုလုပ် Android အတွက် preview ကြည့်ချင်တယ်ဆိုရင် play store ကနေ expo Go ကို install ပြုလုပ်ပြီး QR ကို scan ဖတ်လိုက်ရုံပဲ ဖြစ်ပါတယ်။

Web Development ဘက်က ကြည့်ရင်တော့ Expo GO က live server လိုမျိုးဖြစ်ပါတယ်။

Eco System

Expo ရဲ့ Ecosystems ကလဲ အခုဆိုရင် တော်တော်လေးကို stable ဖြစ်လာပါပြီ။ သူမှာပါဝင်တဲ့ Libraries တွေ Component တွေကို သုံးပြီး mobile phone ရဲ့ cremera တွေ location service တွေ notification Pushing တွေရဲ့ တခြား feature တော်တော်များများကို Native code တွေရေးသားစရာမလိုဘဲ အလွယ်တကူ access ပြုလုပ်နိုင်မှာ ဖြစ်ပါတယ်။

ဘယ်လောက်တောင် set up ပြုလုပ်ရလွယ်ကူသလဲဆိုရင် အဆင့်လေးဆင့်ပဲ လိုအပ်ပါတယ်။ မယုံဘူးဆိုရင် အခုပဲ ဒီအဆင့် လေးဆင့် နဲ့ try ကြည့်နိုင်ပါတယ်။

ကိုယ့် device ရဲ့ command prompt ဒါမှမဟုတ် terminal ကို ဖွင့်ပြီး mobile application တစ်ခုကို တည်ဆောက်နိုင်ပါတယ်။

ပထမဆုံး ကိုယ့်ရဲ့ device မှာ node.js ရှိမရှိ အရင်စစ်ကြည့်။

node -v

မရှိဘူးဆိုရင်တော့ install လုပ်လိုက်ပါ :3

node ရှိပြီဆိုရင် expo cli ကို install လုပ်။

npm install -g expo-cli

Expo CLI install ပြီးပြီဆိုရင်တော့ project အသစ်တစ်ခု တည်ဆောက်ပါမယ်။

expo init my-first-expo-project

ဒီနေရာမှာ template ဘာညာ ရွေးခိုင်းရင် blank template ကို ရွေးလိုက်။

ပြီးရင် project folder ကို Vs code မှာ ဖွင့်လိုက်ပါ။

project folder ထဲကို terminal ထဲကနေ ဝင်ဖို့

cd my-first-expo-project

Vs code ကို terminal ကနေ ဖွင့်ဖို့

code .

Vs code ထဲကို ရောက်ပြီဆိုရင် Project ကို run လိုက်ရုံပါပဲ။

expo start

project ကို run လိုက်မယ်ဆိုရင် QR code တစ်ခု terminal မှာ ပေါ်လာပါလိမ့်မယ်။

Project ကို mobile phone ကနေ တိုက်ရိုက်ကြည့်ချင်ရင် play store ဒါမှမဟုတ် app store ကို သွားပြီး Expo Go ကို install ပြုလုပ်ပါ။

ပြီးရင် expo app ထဲဝင် laptop က QR ကို Scan ဖတ်။

💥 Boom! React Native ရဲ့ Framework ဖြစ်တဲ့ Expo ကို သုံးပြီး Mobile Application တစ်ခုကို တည်ဆောက်လိုက်ပြီ ဖြစ်ပါတယ်။

ဒီလောက်ဆိုရင်တော့ Expo ရဲ့ Power ကို သိရှိလောက်ပြီ ထင်ပါတယ်။ သင်က mobile application development ကို စပြီးလေ့လာမဲ့သူ ဒါမှမဟုတ် React JS ကို လေ့လာပြီး Mobile application ကို တည်ဆောက်ချင်သူဆိုရင်တော့ React Native ရဲ့ Framework တစ်ခု ဖြစ်တဲ့ Expo က အကောင်းဆုံး ရွေးချယ်မှု တစ်ခုဖြစ်မှာပါ။